Të hënën u hodh shorti për zgjedhjen e anëtarëve të rinj të Këshillit të Emërimeve në Drejtësi për vitin 2024.
Shorti është hedhur në ambientet e Presidencës, prej ku është zgjedhur dhe kryetari i ri i Këshillit të Emërimeve në Drejtësi.
KED do të drejtohet nga gjyqtari Sokol Ngresi, i cili u zgjodh nga shorti me gogla, nga radhët e Gjykatës së Lartë.
Po me short është zgjedhur dhe zëvendësuesi i tij, gjyqtari Dariel Sina.
Deri më tani, nga ky short është zgjedhur fituese si anëtare nga radhët e Gjykatës Kushtetuese, Elsa Toska he Sonila Bejtja.
Një tjetër anëtare e KED, si përfaqësuese nga Prokuroria e Përgjithshme do të jetë prokurorja Alma Muça. Ndërsa anëtare zëvendësues është zgjedhur prokurori Arqilea Koça.
Irena Brahimi, do të jetë anëtare në Këshill si përfaqësuese e Gjykatave të Apelit.
Anëtare e dytë do të jetë Altina Nasifi, po ashtu përfaqësuese e Gjykatave të Apelit. Ndërsa anëtare zëvendësuese do të jetë Ilirjana Olldashi.
Lazer Çardaku zgjidhet anëtar i Këshillit si Përfaqësues i Apelit të Prokurorisë së Juridiksionit të Përgjithshëm.
Genti Xholi do të jetë anëtar i dytë si përfaqësues i Prokurorisë së Apelit të Juridiksionit të Përgjithshëm.
Ndërsa anëtare zëvendësuese do të jetë Irma Balli.
Ramiz Lala do të jetë anëtar i Këshillit si përfaqësues i Gjykatës Administrative
Bezart Kaçkini do të jetë anëtari i dytë i Këshillit si përfaqësues i Gjykatës Administrative.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.