Gazeta Si - Lirohet nga burgu nënkryetari i Bashkisë së Lushnjës, Gentian Nushi, i cili u arrestua për shpërdorim detyre dhe shkelje e barazisë në tenderë.
Ai u dënua me 1 vit e 8 muaj burg nga Shkalla e Parë, por këtë dënim e shleu me qëndrimin në qeli gjatë kohës së paraburgimit dhe Gjykata e Apelit urdhëroi lirimin e tij.
Nushi u arrestua në zyrën e tij në dhjetor të vitit 2021 pas një hetimi disa mujor lidhur me proceduarat e ndjekura të tenderit të kanalit Bishqthem-Bitaj.
Prokuroria konstatoi se Nushi kishte ndërhyrë në procedurat e përzgjedhjes së fituesve në këtë tender. Ish-zyrtari, bashkë me Leonard Sefën me detyrë Drejtor në Drejtorinë e Prokurimeve/Juridike, u vunë në pranga disa muaj pas arrestimit të kryetarit të Bashkisë së Lushnjës, Fatos Tushe për abuzime dhe shkelje të barazisë në tenderë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.