Gjykata e Shkodrës ka lënë në burg Zamir Lekën, ish-drejtorin e Hipotekës Shkodër, ndërsa për juristen Frida Mirashi është lënë masa e sigurisë arrest shtëpie.
Seanca gjyqësore u zhvillua me dyer të mbyllura.
Avokati mbrojtës ka kërkuar masë më të lehtë sigurie për ish-drejtorin e hipotekës, por nuk u pranua nga gjykata.
Zamir Leka u arrestua pak ditë më parë për korrupsion. Ai akuzohet se ka marrë shuma të konsiderueshme parash për të kryer shërbimet ndaj qytetarëve.
Rezulton e provuar sipas prokurorisë se ai ka marrë deri në 5 mijë euro dhe në raste të tjera ka pritur ofertat nga të interesuarit, dhe në momentin që merr përfitimin e kërkuar, i kalon praktikat përkatëse te juristët e zonave, në disa raste vetë dorazi, në disa raste të tjera nëpërmjet juristes Frida Mirashi.
Zamir Leka u emërua më 18 janar të këtij viti si drejtor i Hipotekës dhe pas 8 muajsh në atë pozicion Prokuroria ka lëshuar urdhrin e ndalimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.