.png)
Facebook vazhdon të jetë evaziv në përgjigjet e tij gjatë pyetjeve në Komisionin Parlamentar Britanik të Mediave dhe Digjitalizimit që po analizon skandalin mbi keqpërdorimin e të dhënave të kompanisë së mediave sociale nga Cambridge Analytica, tha kreu i komisionit ditën e sotshme.
Komisioni po shqyrton lajmet e rreme, dhe se çfarë konsulenca, e punësuar për fushatën presidenciale të vitit 2016 të Donald Trumpit, bëri me të dhënat e Facebook, të cilat u zotëruan në mënyrën më të keqe të mundshme.
Cambridge Analytica kur është pyetur, ka thënë se ka fshirë të dhënat të cilat nuk janë përdorur për fushatën e Trump. Ajo ka mohuar gjithashtu kryerjen e punës së paguar në fushatën për Brexit.
“Facebook vazhdon të shfaqë një model të paqëndrueshëm sjelljeje që është vënë re gjatë gjithë hetimit tonë ", tha kreu i Komisionit Damian Collins duke iu referuar edhe përgjigjes së letrës më të fundit të Facebook drejtuar komisionit, duke thënë se përgjigjet mbi atë se si monitoron reklamën politike dhe burimet e saj të përkushtuara për sigurinë ishin të pamjaftueshme.
“Kompania duket se preferon minimumin mbi shqyrtimin rigoroz ... Ne do të trajtojmë këtë pikë si pjesë të raportit tonë të përkohshëm që do të publikohet në kohën e duhur. "
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
