.png)
Gazeta Si – Juventusi është kualifikuar për në çerekfinale të Ligës së Europës. Skuadra e Alegrit është imponuar ndaj Frajburgut edhe në Gjermani, ku ka fituar 0-2, me penalltinë e Vlahoviç dhe golin e Kiezës. Frajburgu luajti me 10 vetë për gjithë pjesën e dytë.
Bardhezinjtë kanë përsëritur sot suksesin e ndeshjes së parë në Torino. Vlahoviç shndërroi në gol një penallti (edhe karton i kuq për lojtarin e Frajburgut) në minutën e 45-të, kurse Kieza dyfishoi shifrat në kohën shtesë. Gjatë pjesës së parë Shezni ishte vendimtar në dy raste me pritjet e tij.
Në superioritet numerik gjatë 45 minutave të dyta Juventusi rrezikoi vetëm një herë, duke goditur traversën me Kiezën, pak para se sulmuesi anësor të shënonte. Italianët shkojnë kështu mes 8 skuadrave më të mira në Ligën e Europës.
Është klualifikuar edhe Mançester Junajtid, që ka eliminuar Bestisin. “Djajtë e kuq” kanë fituar edhe sot në Spanjë, falë një goli të Markus Rashford në pjesën e dytë, ndërkohë që në ndeshjen e parë kishin fituar thellë.
Befasia e madhe e 1/8-ve ishte eliminimi i Arsenalit nga Sportingu i Lisbonës pas penalltive. Ndeshja në Londër përfundoi 1-1, me golin e Granit Xhakës për Arsenalin. Edhe ndeshja e parë ishte mbyllur në barazim 2-2, ndaj dhe kualifikimi shkoi në shtesë e më pas te penalltitë, ku për ekipin anglez gaboi Martineli.
Rezultatet e Ligës së Europës
Betis-MANÇESTER JUNAJTID 0-1
Fenerbahçe-SEVILJA 1-0
FEJNORD-Shakhtar Donjetsk 7-1
Frajburg-JUVENTUS 0-2
Arsenal-SPORTING L. 1-1 (3-5 pas penalltive)
Ferencvarosh-BAJER LEVERKUESE 0-2
Real Sociedad-ROMA 0-0
UNION SG-Union Berlin 3-0
(Me kapitale skuadrat e kualifikuara)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
