.png)
Gazeta Si – Një tjetër krisje mes PSG-së dhe Leo Mesit, që e bën thuajse të sigurt lamtumirën e argjentinasit në fund të sezonit. Ai duket se ka vendosur të prishë përfundimisht marrëdhënien me klubin, që nuk e ka fituar ende titullin kampion (5 pikë para Marsejës).
Mesi, pas humbjes ndaj Lorient, ka shkuar në Arabinë Saudite për çështje komerciale. Ai ka injoruar ‘dënimin’ e trajnerit Galtier për atë paraqitje të shëmtuar që skuadra bëri të dielën. ‘Pleshti’ nuk i ndryshoi planet e tij dhe, sipas ‘L'Equipe’, nuk denjoi as të lajmëronte stafin. Për këtë situatë, e përditshmja franceze i ka kushtuar faqen e parë, duke e quajtur "mashtrues".
Argjentinasi zgjodhi të mos i anulonte takimet në Arabi, ku është i përzgjedhuri i federatës së Rijadit për promovimin e kandidaturës në lidhje me organizimin e Botërorit 2030. Dhe kjo sjellje e Mesit ka shkaktuar kaos në Paris.
Në qershor rrugët e Mesit dhe PSG-së janë të destinuara të ndahen, kontrata vështirë se do të rinovohet. Lojtari nuk është ambientuar asnjëherë në Francë dhe duket se synon rikthimin te Barcelona. Klubi parisien ka vendosur të mbështetet më shumë te Mbape, si në fushë, edhe jashtë saj.
Pas dy vjetësh pa shkëlqim, Mesi po bën valixhet gati për t’u kthyer në shtëpi. Babai i tij ka intensifikuar kontaktet me drejtuesit e klubit kartalanas për një akord ekonomik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
