.png)
Gazeta Si - Ferrari ngjitet në katedër në Montekarlo dhe lë pas dy makinat Red Bull në provat e lira. Sharl Leklerk ishte zot në shtëpinë e tij. Ishte ai njeriu i së premtes.
Kaarlos Sainz e mbylli në vend të dytë, 44 të mijëtat pas shokut të skuadrës. Dy makinat Red Bull mbetën pak më të shkëputura në këto prova.
An adrenaline rush like no other in sport! 🍿#MonacoGP @Charles_Leclerc pic.twitter.com/8JGqZqVSaE
— Formula 1 (@F1) May 27, 2022
Serxho Perez doli i treti, kurse kampioni në fuqi, Maks Vershtapen, i katërti. Lando Norris në vend të 5-të, kurse në vend të 6-të Xhorxh Rasëll.
Dy makinat Ferrari u shfaqën më mirë në turin e dytë të provave në Montekarlo. Ka shpresa për rezultat të mirë edhe për kualifikueset te Ferrari, por duhet pritur si do të reagojë kampioni në fuqi.
Po ashtu, edhe ndonjë kapriço e motit në Montekarlo mund të ndikojë në kualifikueset e së shtunës.
Ljuis Hemilton nuk shkoi më shumë se vendi i 12-të në provat e lira.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
