Gazeta Si – Lacio ka mundur 2-0 Sasuolon në javën e 33-të të Serisë A, duke shtyrë kështu festën e Napolit për titullin kampion. Felipe Anderson që në fillim të ndeshjes dhe Basiç në shtesë shënuan golat e fitores për skuadrën e Sarrit, që arriti fitoren numër 150 në Serinë A. Sasuolo u ndal nga traversa.
Tani Napolit i duhet të paktën barazimi në Udine për t’u certifikuar kampion i Italisë për herë të tretë në histori.
Zona e Championsit është komplikuar më shumë për Milanin dhe Romën, që kanë barazuar 1-1 përkatësisht ndaj Kremonezes dhe Moncës. Një vetëvrasje barazimi i Milanit në ‘San Siro’, madje skuadra e Piolit në shtesë i shpëtoi humbjes me një gol të Mesias.
Milani dhe Roma janë barazuar me pikë edhe nga Atalanta e Berat Gjimshitit, që mban vendin e 5-të për momentin. Mbrojtësi kuqezi ishte ndër më të mirët për skuadrën e tij në fitoren 3-2 ndaj Specias.
Juventusi mundi sot 2-1 Leçen, ndërsa Interi fitoi me goleadë në fushën e Veronës. Plot 6 gola shënoi skuadra e Inzagit, duke u shkëputur kështu në vend të katërt të renditjes, me 60 pikë. Me fitoren e sotme zikaltrit janë më të qetë për pjesëmarrjen në Champions sezonin e ardhshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.