.png)
“Gara e shtrirë”, e cila e bën Malin e Zi unik në Europë dhe që organizohet për herë të 11-të në fshatin etnik në Brezni, në Piva ka nisur ditën e djeshme.
Kjo garë ka nëntë garues nga Nikshiqi, Podgorica, Danilovgradi dhe Beogradi, të cilët po “luftojnë” për çmimin në vlerë prej 350 euro. Ato do të qëndrojnë shtrirë në hijen e një peme dhe fitues është ai që qëndron më shumë.
Garuesit shpresojnë të thyejnë rekordin e vendosur vitin e kaluar nga Dubravka Aleksic nga Podgorica, e cila u ngrit pas 117 orësh shtrirje.
Konkursi i sivjetshëm ka edhe një kuriozitet sepse disa garues kanë shkuar në Brezna dhe do të garojnë me familjarët e tyre.
Kështu, për çmimin garojnë Jelena Nikoliq nga Nikshiqi dhe djali i saj njëmbëdhjetëvjeçar Milutin, konkurrenti më i ri deri më tani. E ndërsa Jelena u regjistrua në konkursin për shoqërim dhe kënaqësi, Milutin, i cili është në klasën e gjashtë, u tërhoq nga ajri i pastër dhe çmimi.
Zharko Pejanoviq, nga Zabjela, shkoi me gruan e tij Zana Gardasheviq dhe motrën Nikolina.
“Në Podgoricë është vapë, nuk kam fjetur dhe kam ardhur të fle pak”. Është shumë mirë këtu”, tha Zarko duke buzëqeshur.
“Kemi ardhur të pushojmë shpinën sepse punojmë shumë dhe është shumë vapë në Podgoricë”, tha Zana.
Për çmimin po luftojnë edhe Vesna Atanasijevic nga Podgorica dhe Vanja Dedovic nga Nikshiqi.
“Mendoj se kjo është një sfidë për të gjithë ne, diçka që nuk është e përditshme dhe që nuk shihet shpesh. Mendoj se ky është i vetmi vend me këtë lloj konkursi dhe besoj se do të jetë dicka e bukur”, tha Vanja.
Tanja Mijoviq, e cila është me origjinë nga Mali i Zi dhe prej kohësh jeton në Beograd, ka dëgjuar për konkursin nga miqtë e saj.
“Miqtë e mi që ishin këtu vitin e kaluar më ftuan dhe doja të shihja se si dukej. Më duhet ta pranoj se më duket interesante”, tha Tanja.
Burimi: Vijesti. Pershtati: Gazeta "Si".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
