.png)
Kryetari i Lëvizjes Vetëvendosje, Albin Kurti ka bërë të ditur se sot edhe pas dorëzimit të emrit si i mandatuar për kryeministër, nuk ka arritur ende marrëveshje me Lidhjen Demokratike të Kosovës.
Përmes një videoje të publikuar në Facebook, Kurti ka bërë të ditur se është i gatshem për takime të reja me LDK-në, në mënyrë që të gjenden alternativa për arritjen e një marrëveshje për formimin e qeverisë.
“Unë besoj se ne mund të kthehemi e duhet të kthehemi në tavolinën e bisedimeve. Në ditët në vijim do të takoj edhe përfaqësuesit e pakicave”, theksoi kreu i VV. "Në mbledhjen konstituive më 26 dhjetor shkova pa pasur një marrëveshje edhe te presidenti më 6 janar shkova pa marrëveshje paraprake. Dy javë pas takimi katër minutësh nuk kemi marrëveshje. Ne nuk e kemi pranuar propozimin e LDK-së, por jemi të gatshëm për takime tjera”, ka thënë Kurti.
Pas dorëzimit të propozimit nga LV-ja, presidenti Hashim Thaçi ka ftuar Albin Kurtin për t’ia dorëzuar dekretin presidencal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
