Gazeta Si - Megan Rapinoe humbi penalltinë vendimtare për kampionet e botës. Pas 14 gjuajtjesh nga pika e bardhë, kualifikohet për në çerekfinale Suedia e Kosovare Asllanit.
Emocione të mëdha në Botërorin e futbollit të femrave, që ka hyrë tashmë në fazën më interesante të tij. Në ‘Melbourne Rectangular Stadium’, sfida mes SHBA-ve dhe Suedisë ishte një maratonë e vërtetë. Koha e rregullt dhe shtesat përfunduan me rrjeta të paprekura, 0-0.
Para kohës shtesë më të rrezikshme ishin kampionet e botës, amerikanet. Por goli nuk do të dilte në dritë dhe kualifikimi u vendos nga penalltitë. Shansin më të mirë për t’u dhënë kualifikimin SHBA-ve gjatë serisë së penalltive e kishte Megan Rapinoe. Në gjuajtjen e 4-t të amerikaneve, kur rezultati ishte 3-2 për to, liderja 38-vjeçare gaboi.
Nëse Rapinoe do të shënonte, SHBA-të do të kalonin më tej, por dy gabime radhazi rifutën në lojë Suedinë. Pesë penalltitë e para përfunduan 3-3, më pas suedezet nuk gabuan më dhe gjithçka u mbyll 5-4 në favor tëtyre. Festë për Kosovare Asllanin dhe shoqet e saj, që tani do të ndeshen me Japoninë. Lojtarja me origjinë shqiptare luajti 81 minuta.
Dressing room SCENES. 🪩@SvenskFotboll | #FIFAWWC
— FIFA Women's World Cup (@FIFAWWC) August 6, 2023
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.