Kryeministri Rama më 15 maj në Paris, takon Presidentin francez, Macron

08:12 - 11 Maj 2018

Në kuadër të lobimit për hapjen e negociatave me BE, Kryeministri Edi Rama më 15 maj do të udhëtojë drejt Parisit, për të bindur një nga vendet skeptike, Francën,

Pas kërkesës së Kryeministrit, kreu i shtetit francez, Emmanuel Macron do të presë në takim Ramën në pallatin presidencial Elysée në Paris.

Vizita e Ramës në Francë, vjen pas asaj që zhvilloi në Gjermani, ku u prit edhe nga kancelarja Angela Merkel.

Gjermania, Franca dhe Holanda janë ndër vendet më skeptike për të miratuar hapjen e negociatave të Shqipërisë me BE.

Një ditë më parë, Kryeministri Rama tha për “BBC”, se BE nuk ka asnjë kosto nga hapja e negociatave me Shqipërinë, por ato janë jetike për vendin tonë.

Pas rekomandimit nga ana e Komisionit Evropian, vendet e BE pritet të marrin vendimin për hapjen ose jo të negociatave me Shqipërinë në muajin qershor.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.