.png)
Kryetarja e Lëvizjes Socialiste për Integrim, Monika Kryemadhi hodhi dyshime mbi sinqeritetin e ftesës së OSBE-së, që opozita jashtëparlamentare t’i bashkohej këtë të mërkurë tryezës së organizuar nga ky institucion për reformën zgjedhore.
Në një bashkëbisedim me gazetarët, Kryemadhi tregoi një detaj nga koha kur opozita ka marrë ftesën nga ambasadori Bernd Borchardt.
“E çuditshme sepse si ftesa e OSBE ashtu, ashtu edhe letra publike e zotit Rama na erdhën në të njëjtën kohë, por nuk na erdhi një agjendë se çfarë do të diskutohej në këtë tryezë, sepse tryeza bëhen shumë”, tha Kryemadhi.
Kryetarja e LSI-së u shfaq në të njëjtën linjë me Lulzim Bashën sa i takon gatishmërisë së opozitës për të zgjidhur krizën.
“Pakti antikrizë do të thotë që të shkosh në një proces zgjedhor që u garanton shqiptarëve votën dhe gjithë procesin zgjedhor, që qytetarët të mos kërcënohen dhe as të mos blihen”, deklaroi ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
