.png)
Covid-19 kishte ndezur sinjalin e kuq për financat e McLaren, që tani i ka shitur “Technology Center” fondit amerikan “Global Net Lease”. Megjithatë, skuadra e Formula 1 do të vazhdojë ta shfrytëzojë qendrën e saj, sepse në akordin mes palëve është parashikuar një qera prej 20 vjetësh.
“Technology Center” është një strukturë e madhe 78 mijë metra katrorë, e ndërtuar në vitin 2004 dhe përbëhet nga 3 ndërtesa kryesore. McLaren e nxorri në shitje selinë e saj në vitin 2020 për të mbuluar humbjet e shkaktuara nga pandemia. Dhe pas shumë javësh bisedime, më martën e 20 prillit u arrit akordi për shitjen e selisë në Uoking për 170 milionë stërlina, 197 milionë euro.
“Global Net Lease”, që e bleu këtë seli, është një fond amerikan investimesh. Transaksioni është parashikuar të kryhet në gjysmën e dytë të 2021-shit. Në akord ka një pakt, sipas të cilit McLaren do ta përdorë për 20 vjet me qera selinë e saj. “Jemi të lumtur të njoftojmë se kjo strukturë do të bëjë pjesë në portofolin e Gnl”, - tha James Nelson, administrator i deleguar i kompanisë amerikane.
“Pse duhet t’i kemi të gjitha paratë tona në sektorin imobiliar? – është shprehur administrator i McLaren, Zak Braun. – Nuk jemi një kompani e këtij tipi. Jemi një skuadër garash”. Të ardhurat nga shitja e selisë do t’i japin frymëmarrje skuderisë së Formula 1, pas situatës së vështirë financiare të 2020-ës. Vitin e kaluar McLaren kishte kërkuar një hua prej 163 milionë eurosh nga Banka kombëtare e Bahrainit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
