.png)
Gazeta Si – Fitorja 3-4 e Interit në miqësoren me Salcburgun ka edhe shenjën e mesfushorit të Kombëtares shqiptare, Kristjan Asllani. Në fundin e ndeshjes ai dha një pasim të kalibruar nga distanca për Sensin, që shënoi golin e 4-t për zikaltrit.
Asllani u fut në fushë në minutën e 70-të dhe tregoi klasin e tij. Jo më kot opinioni dhe specialistët e futbollit në Itali e kritikojnë trajnerin Simone Inzagi për faktin që nuk i jep më shumë minuta lojtarit shqiptar.
La palla di Asllani 🤤
— Alessandro (@90ordnasselA) August 9, 2023
Stefano Sensi 🤤 pic.twitter.com/wxF6McOqMJ
Në miqësoren e Salcburgut debutoi portieri Somer, që bëri një paraqitje për t’u harruar me disa gabime. Për Interin shënuan edhe De Vrij dhe Korrea, ndërsa golin e parë e shënuan vetë austriakët në portën e tyre me Pavloviç. Salcburgu humbi dy penallti në këtë ndeshje.
Për t’i falur skuadrës së tij emocionet e fitores, edhe pse ishte vetëm një miqësore, mendoi Asllani me atë pasim magjik për Sensin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
