Kryeministri Edi Rama, ai i Kosovës Albin Kurti dhe krerët e tjerë të gjashtë vendeve të Ballkanit Perëndimor dhe liderët e Bashkimit Europian, do të zhvillojnë një takim joformal në Bruksel mbrëmjen e sotme, në fokus të së cilit do të jetë perspektiva e zgjerimit të Unionit.
Ky takim, qëllimi i të cilit është për të përgatitur samitin e Zagrebit që mbahet nga 5 deri në 7 maj, është thirrur nga Presidenti i Këshillit Europian, Charles Michel, teksa do të marrin pjesë Presidentja e Komisionit Europian, Ursula von der Leyen, përfaqësuesi i lartë i Politikës së Jashtme dhe të sigurisë së BE-së, Joseph Borrel dhe kryeministri i Kroacisë, Andrej Plenković.
Ky takim vjen pasi Komisioni Europian ka propozuar një metodologji të re për zgjerimin e Unionit, sipas së cilëve i plotëson pritshmërinë të të gjithë vendeve anëtare, veçanërisht atyre skeptike, mes tyre edhe Franca. Presidenti Emanuel Macron, ditën e djeshme, bëri një deklaratë shpresëdhënëse, duke thënë se do t'i japë fund bllokimit të zgjerimit të BE-së, nëse KE-ja do të jape dritën jeshile në mars për Shqipërinë dhe Maqedoninë e Veriut, atëherë edhe Franca do të jetë dakord.
Ndërkohë që ditën e nesërme, vendet e BE-së do t'i bashkohen Konferencës së Donatorëve ku pritet të mblidhet një shumë e caktuar për të përballuar faturën e rindërtimit prej rreth 1 mld euro pas tërmetit të 26 nëntorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.