.png)
"Shpejtësia është e jashtëzakonshme sot, në krahasim me të kaluarën. I vetmi lojtar i viteve të kaluara që mund të luante sot është Ronaldo Fenomeni. Asnjë tjetër. Të tjerët kanë qenë të ngadaltë në raport me kohët e sotme", - ka deklaruar së fundi Marko Materaci, ish-mbrojtësi i Interit dhe Italisë.
Një tjetër ish-mbrojtës italian, kampion Europe me Milanin, Alesandro Kostakurta, është plotësisht dakord me Materacin. "Ronaldo brazilian ishte shumë i fortë, të fëlliqte në fushë. Ishte pak karagjoz, sepse donte të tallej me mbrojtësit, duke i ulur në tokë”, - kujton ish-mbrojtësi italian.
"Të gjithë mbrojtësit e gjeneratës sime, si Maldini, Nesta, Kanavaro dhe Ferrara do të thoshin se lojtari më i fortë dhe më i vështirë për t’u markuar është Ronaldo brazilian, - shton Kostakurta gjatë një lidhje direkt me “Sky Sport”, duke iu përgjigjur pyetjes së një tifozi. – Para çdo ndeshjeje flija i qetë, përveç rasteve kur duhej të përballesha me të. Ai argëtohej, bënte numra që askush tjetër nuk mund t’i bënte. Edhe unë kam përfunduar me by*** në tokë kushedi sa herë…"
Jo vetëm Kostakurta, por të gjithë mbrojtësit e kohës së Ronaldo Fenomenit e kanë pranuar se ai ka qenë një makth për ta. E njohur është shprehja e Paolo Maldinit, i cili para ndeshjes me Interin, ku brazilianit luante atëherë, i drejtohej shokut të skuadrës, Marsel Desai: “Marsel, të lutem, mos më lër vetëm”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
