.png)
Qeveria e Kosovës ka miratuar vendimin për vendosjen e masës mbrojtëse për importin e të gjitha produkteve të prodhuara në Republikën e Serbisë dhe në Bosnjë Hercegovinë.
“Masa mbrojtëse nënkupton taksën prej 10 për qind të të gjitha produkteve që importohen në Kosovë dhe kanë për vend të origjinës Republikën e Serbisë dhe Bosnjë Hercegovinën”, thuhet në një komunikatë për media nga Qeveria e Kosovës.
Përjashtim nga kjo masë do të bëjnë produktet e markave ndërkombëtare të prodhuara në këto dy vende.
Importuesi më i madh në Kosovë pothuajse i të gjitha produkteve mbetet Serbia, ku sipas të dhënave zyrtare janë rreth 400 milionë euro në vit që importohen produkte nga ky shtet.
Ndërkaq, importi i produkteve të Bosnjës në tregun e Kosovës vitin e kaluar ka qenë 81.5 milionë euro.
Por Bashkimi Europian ka reaguar menjëherë, duke kërkuar shppjegime mbi vendimin e qeverisë kosovaare.
“Këto masa janë një shkelje e qartë e obligimeve të Kosovës sipas CEFTA-s. Bashkimi Evropian pret që Kosova, që aktualisht është kryesuese e CEFTA-s të përmbushë plotësisht obligimet e kësaj organizate dhe të tërheqë masën”, ka thënë zëdhënësja e BE-së, Maja Koçijançiç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
