.png)
Zbardhet urdhri i ministres së Shëndetësisë drejtuar të gjitha shkollave 9-vjeçare dhe të mesme për masat higjieno-sanitare që duhet të merren për parandalimin e përhapjes së infeksioneve respiratorë akute të përfshirë dhe COVID-19 i njohur si Koronavirus. Urdhri i Manastirliut, i siguruar nga Gazeta “Si” mban datën e 24 shkurt dhe është shpërndarë edhe në institucionet parashkollore, kopshte dhe çerdhe.
Operatori i Shërbimeve të Kujdesit Shëndetësor dhe Inspektoriati Shëndetësor në bashkëpunim me strukturat e varësisë duhet të bashkërendojnë punën me strukturat e institucioneve arsimore, parashkollore dhe bashkitë për: sigurimin e kushteve dhe artikujve higjeno-sanitare në mjediset e këtyre institucioneve, duke përdorur solucionet pastruese dhe dezinfektuese përkatëse.
Gjithashtu kërkohet sigurimi i higjienës personale për të gjithë fëmijët, nxënësit dhe studentët, që frekuentojnë këto institucioneve sipas udhëzimit të ISHP-së. Për këtë kërkohet edhe sigurimi i higjienës edhe për edukatoret mësuesit dhe personelin tjetër që shëben në këto institucione shkollore.
“Personeli shëndetësor në institucionet parashkollore dhe arsimore të kërkojnë nga drejtuesit e institucionit arsimor, të paraqesin numrin total të mungesave në frekuentim për arsye shëndetësore”, thuhet në vendimin e firmosur nga ministrja Manastirliu.
Në udhëzimin e ISHP-së, theksohet se për shkak të mbijetesës së mundshme të virusit në mjedis për disa ditë, ambientet e zonat e kontaminuara potecionalisht me Convid 2019 duhet të pastrohen duhen përdorur produkte që përmbajnë agjentë animikrobikë të njohur si efektiv kundër koronaviruseve.
Në të theksohet se edhe pse ka mungesë të provave specifike për efektivitetin e virusit, pastrimi me ujë dhe pastruesit shtëpiak dhe përdorimi i produkteve të zakonshëm nuk është janë të mjaftueshme. “Disa nga përbërësit aktivë, p.sh hipoklori i natriumit (që përmbahet në zbardhimin shtëpiak) dhe etalnol janë gjerësisht të disponueshme në mjediset jo shëndetësore dhe jo laboratorike. ISHP bazohet te testet e bazuara për SARS-COV ku kanë zbuluar se hipkloriti i natriumit është efektiv në një përqendrim prej 0,005 dhe 0,1% pas pesë minutash kur përzihet në një solucion ku përmban SARS-Co V2.
Ndërsa nëpër shkolla janë vendosur foto paralajmëruese për nxënësit për të marrë masat dhe për të mbajtur një higjienë sa më të pastër. Ndërsa janë shpërndarë edhe foton ilustruese e larjes së duarve për të pasur një higjienë sa më të pastër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
