Nënkryetari i Partisë së Lirisë, Petrit Vasili u thirr në SPAK paraditen e sotme për hetimet e nisura mbi kontratën e Lobimit të LSI në SHBA.
Deputeti ka mbërritur në ambientet e Prokurorisë së Posaçme në orën 10:00 pasi është thirrur nga prokurori Sotir Kllapi, për të dhënë sqarime në lidhje me hetimet e nisura për lobimin LSI me dyshimin se ka përdorur në fushatën elektorale para që nuk justifikohen.
“U thirra në cilësinë e personit që ka dijeni. Pyesni SPAK“- u përgjigj shkurtimisht Petrit Vasili pasi doli nga SPAK dhe nuk dha më shumë detaje për gazetarët.
Lidhur me këtë çështje është thirrur më herët në SPAK edhe deputeti Endrit Brahimllari, i cili ka dhënë sqarime disa muaj më parë.
SPAK nisi hetimet pas kallëzimit të ish deputetit Halit Valteri, i cili denoncoi se për llogari të LSI janë shpenzuar 700.000 dollarë por të padeklaruara për qëllime lobimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.