Sa herë që flitet për merkato, mendja menjëherë shkon te sulmuesit apo fantazistët, por jo më pak të rëndësishëm janë mbrojtësit. Antonio Konte, trajneri i Interit, e di shumë mirë këtë gjë. Projekti i tij nis pikërisht nga prapavija, siç ka bërë te Juventusi dhe Çelsi.
Ai ka në plan ta ribëjë mbrojtjen zikaltër për sezonin e ri. De Vrij dhe Shkriniar nuk lëvizin, ai që nuk e ka bindur trajnerin italian është uruguaiani Diego Godin, i cili është shumë i rrezikuar. Zëvendësuesi? Marash kumbulla. Sipas “Gazzetta dello Sport”, 20-vjeçari shqiptar i Veronës është në “pole position”. Për të Interi ka kohë që po punon, por tashmë Konte kërkon që gjithçka të mbyllet sa më parë. Trajneri i Interit e sheh futbollistin e ri të Kombëtares shqiptare si mbrojtësin adapt për skuadrën që drejton, pasi luan shumë mirë edhe në mbrojtjen me tre.
Interi është i favorizuar për të fituar konkurrencën me Lacion, Napolin, Fiorentinën dhe skuadra të tjera të huaja, pasi vetë Kumbulla parapëlqen zikaltërit dhe e ka pranuar këtë gjë, por kuptohet që për transferimin vendosin termat financiarë. Verona kërkon të shfrytëzojë rastin, pasi nga paraqitja e mirë gjatë këtij sezoni, vlera e Kumbullës është rritur ndjeshëm.
Mbrojtësit shqiptar mund t’i prishë punë sulmuesi i Interit, Romelu Lukaku, i cili është futur “mik” te trajneri Konte për mbrojtësin Jan Vertongen. Belgu është mik i sulmuesit dhe është në prag skadence të kontratës me Barcelonën. Konte gjithsesi preferon Kumbullën, por mbetet për t’u parë se çfarë do të ndodhë me merkaton sapo futbolli t’i kthehet normalitetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.