Autoriteti i Konkurrencës ka nisur një hetim të përgjithshëm në sektorin e shërbimit spitalor.
Këtë nismë Konkurrenca e mbeshtet në nenin 41 të ligjit nr. 9121/2003 “Për mbrojtjen e konkurrencës”, i ndryshuar. Arsyeja sipas institucionit të Konkurrencës është për të parë nëse në këtë treg ka ngurtësim të çmimeve ose rrethana të tjera që kufizojnë apo shtrembërojnë konkurrencën.
“Hetimi i përgjithshëm me nr. 552, datë 04.10 .2018, ka për objekt të gjithë veprimtarinë e shërbimit në sektorin e Shërbimit Spitalor, dhe nuk është i kufizuar vetëm në koncesionet e cituara në media. Autoriteti nuk ka kompetencë mbikqyrjen e koncesioneve në vetvete, por kufizohet në vlerësimin e konkurrencës.”- citohet në njoftimin e Autoritetit të Konkurrencës.
Për shkak të lidhjes së aksioneve midis ndërmarrjeve të cilat operojnë në këtë treg, vijon sqarimi, gjykohet si e nevojshme hapja e hetimit të përgjithshëm, pasi këto çështje kanë nevojë për një trajtim më të thelluar dhe më gjithëpërfshirës.
Në përfundim të hetimit të përgjithshëm Autoritetido të publikojë një raport për rezultatet e hetimit të përgjithshëm në këtë sektor të ekonomisë, si dhe do të ftojë palët e interesuara të shprehen për rezultatet e hetimit.
Konkurrenca nënvizon se hetimet e Autoritetit janë të kufizuara mbi konkurrencen sipas ligjit nr.9121/2003 dhe hetimet e përgjithshme përfshijnë të gjithë sektorin e ekonomisë duke mos u kufizuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.