Gazeta Si - Dy vëllezër shqiptarë dyshohet se kanë vrarë me sëpatë një 53-vjeçar në Greqi dhe plagosin me thikë djalin e tij 24 vjeç.
Ngjarja e rëndë ka ndodhur të enjten e kaluar, rreth orës 22:00 në Halkidhiki, në zonën e Kasandrës.
Sipas Protothem.gr, dy vëllezërit, 27 dhe 47 vjeç, janë grindur me 53-vjeçarin, djalin e tij 24 vjeç dhe vajzën 18-vjeçare.
Në një moment, 27-vjeçari ka goditur me thikë djalin e tij 24-vjeç dhe ka shtyrë vajzën me të cilën dyshohet se kanë pasur lidhje intime.
Ndërsa vëllai i tij ka goditur me sëpatë në gjoks 53-vjeçarin, duke i shkaktuar vdekjen.
Viktima u transportua me autoambulancën e EKAV-it në Qendrën Shëndetësore Kassandra, por ishte vonë dhe u konstatua i vdekur.
Dy vëllezërit u arrestuan mesditën e së nesërmes nga oficerët e policisë së Departamentit të Sigurisë Poligyros.
Dy familjet mesa duket ishin në konflikt, ndërsa vëllezërit shqiptarë shkuan për t’u sqaruar. Por situata doli jashtë kontrollit dhe përfundoi në tragjedi.
Emrat e dy shqiptarëve nuk janë bërë të ditura, teksa ata janë tashmë të arrestuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.