Gazeta Si - Tetë prokurorë do të jenë në garë kandidatë për tri vendet vakante në SPAK. Në mbledhjen e mbajtur një ditë më parë, Këshilli i Lartë i Prokurorisë ka vendosur datën 7 dhjetor për intervistat e tyre.
Sipas një njoftimi, kandidatët u vlerësuan me kualifikim të lartë dhe me nga 7 pikë në lidhje me 2 vlerësimet e fundit profesionale.
Në datën 7 dhjetor, intervistat me kandidatët do të fillojnë nga ora 9.00, ku procedura e prezantimit dhe pyetje-përgjigjeve do jetë jo më shumë se 30 minuta për çdo kandidat.
Pas prokurorit të Vlorës, Albert Kuliçaj dhe Olsi Dados, në garë u regjistra kryeprokurori i Elbasanit Kreshnik Ajazi, i cili hetoi dosjen e grupit kriminal të Laert Haxhiut dy muaj më parë.
Një tjetër drejtuese rrethesh që synon emërimin në SPAK, është Anita Jella nga Durrësi.
Emrat e tjerë që kanë shprehur interes deri tani, janë prokurorët Pali Deçolli, Bledar Maksuti, Ndini Tavani dhe Sonila Muhametaj.
Prokurorët në garë për në SPAK
1- Albert Kuliçaj
2- Olsi Dado
3- Kreshnik Ajazi
4- Bledar Maksuti
5- Anita Jella
6- Ndini Tavani
7-Sonila Muhametaj
8-Pali Deçolli
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.