Kina ka filluar të hedhë dyshime rreth sigurisë së vaksinës së kompanisë “Pfizer” kundër Covid-19 dhe gjithashtu ka theksuar se virusi i ri e ka prejardhjen nga një laborator i ushtrisë amerikane.
Fushata propaganduese e Pekinit vjen pas mbërritjes së hetuesve të Organizatës Botërore të Shëndetësisë në Wuhan për të hetuar prejardhjen e virusit të ri.
Në kohën kur vaksina e kompanisë amerikane po shpërndahet në mbarë botën, komunistët kinezë po përhapin dezinformata për njerëz që po vdesin papritmas pasi janë vaksinuar me Pfizer,
Në rrjetet sociale, hashtag-u “American’s Ft. Detrick”, i nisur nga Grupi Komunist i të Rinjve, u pa 1.4 miliard herë javën e kaluar pasi Pekini bëri thirrje që Organizata Botërore e Shëndetësisë të zhvillonte hetime në laboratorin e armëve biologjike në Maryland të SHBA-së.
Pretendimet e Kinës erdhën pasi të dhënat e inteligjencës në Uashington këtë muaj treguan se punëtorët e Institutit të Virologjisë në Wuhan u sëmurën dhe zhvilluan simptoma të ngjashme me ato të Covid-it në vjeshtën e vitit 2019.
Ndonëse teoritë e paqëndrueshme të Kinës nuk janë të besueshme jashtë vendit, ato kanë audiencë brenda shtetit komunist.
Yuan Zeng, eksperte e mediave kineze në Universitetin e Leeds-it në Britani të Madhe, tha se rrëfimet e qeverisë kineze janë përhapur kudo, sa edhe miqtë e saj kinezë të arsimuar e kanë pyetur atë nëse këto lajme janë të vërteta.
Partia Komuniste e sheh hetimin e OBSH-së si një rrezik politik sepse ka përqendruar të gjithë vëmendjen te Kina, tha Jacob Wallis, një analist i vjetër në Institutin Australian të Politikës Strategjike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
