.png)
Gazeta Si - Ambasadorja e SHBA-ve në Tiranë Yuri Kim, shpreh respektin për prokurorët e SPAK-ut, për të cilët thotë se përballen me korrupsionin dhe krimin e organizuar në 3 vitet e fundit në Shqipëri.
Në një postim në Twitter, Kim shkruan se SPAK po jep rezultate gjithë e më shumë që tregojnë se askush nuk është mbi ligjin dhe se SHBA do të vazhdojë të mbështesë reformën në drejtësi.
1/2 It was an honor to invite 🇦🇱 @SPAK_Albania prosecutors to 🇺🇸 Ryerson House. We express thanks & respect to these extraordinary prosecutors for their courage & professionalism in confronting corruption & organized crime over the past 3 yrs. Now is the time to intensify those… pic.twitter.com/wMQHBiCDN0
— Ambassador Yuri Kim (@USAmbAlbania) May 15, 2023
“Ishte një nder të ftoja prokurorët e SPAK në ‘Ryerson House’. Ne shprehim falënderime dhe respekt për këta prokurorë të jashtëzakonshëm për guximin dhe profesionalizmin e tyre në përballjen e korrupsionit dhe krimit të organizuar gjatë 3 viteve të fundit”.
Kim i fton ata të vijojnë punën e nisur, duke u shprehur se “tani është koha për të intensifikuar ato përpjekje dhe për t’i dhënë fund mënyrave të vjetra të mosndëshkimit. SPAK po jep gjithnjë e më shumë rezultate që tregojnë se askush – sado i pasur apo i fuqishëm qoftë – nuk është mbi ligjin”.
Ambasadorja amerikane siguron se, “SHBA do të vazhdojë të mbështesë fuqimisht reformën në drejtësi, duke përfshirë SPAK-un, sepse duam një aleat të fortë, të sigurt dhe të begatë, dhe sepse besojmë ashtu si shqiptarët se Shqipëria i përket BE-së”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
