.png)
Policia e Shtetit shumë shpejt do të ketë në strukturat e saj një këshilltar nga Gjermania.
Lajmin e ka bërë të ditur vetë ministri i Brendshëm Xhafaj, në një konferencë të përbashkët për shtyp me drejtorin e Policisë së Gjermanisë, Diter Romann.
Sipas tij, dy vendet do të vijojnë të bashkëpunojnë në fushat me interes të gjerë, që nga krijimi i sigurisë, por edhe ndihmën në logjistikë dhe burime njerëzore.
Ndër të tjera, Xhafaj theksoi se Gjermania do të ndihmojë Shqipërinë dhe policinë e saj me pajisje të reja logjistike, të cilat do të krijojnë një eficiencë më të madhe sidomos në pikat kufitare.
Gjithashtu, ministri theksoi faktin se Gjermania është një aleat i rëndësishëm dhe partner kryesor në fushën e sigurisë. Ai njoftoi se bashkëpunimet mes vendeve do të shtrihen në disa sektorë, të cilët përfshijë nga lufta kundër terrorizmit, evazionit dhe uljen e azil kërkuesve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
