.png)
Këshilli Kombëtar i Territorit ka miratuar ndërtimin e 5 hoteleve të reja në zonën bregdetare të Shqipërisë, më shumë se 10 hidrocentrale energjitike, 3 subjekte biznesi dhe 2 godina banimi.
Hidrocentralet priten të ndërtohen në zonën e Grabovës, Gramsh, në Skrapar, Elbasan dhe në Dibër. Vetëm 6 nga lejet e dhëna të HEC-eve janë për Gostimën në Elbasan dhe 3 për bashkinë e Skraparit.
Hotelet e reja dhe struktura të ngjashme turistike do të ndërtohen në Dhërmi, Palasë, Durrës, Kavajë, Sarandë.
Në Tiranë, janë miratuar dy godina të reja për ndërtim në Bulevardin Zogu i Parë dhe zona e ish-Ekspozitës.
KKT-ja ka konfirmuar dhe shtyrjen për lejen e ndërtimit të terminalit lindor të autobusëve në Tiranë.
Gjithashtu, është miratuar ndërtimi i disa pikave të kompanisë së telekomunikacionit, Vodafone, në qytete të ndryshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
