Lajme

Këshilli i Legjislacionit vendos sot për vetingun politik

Këshilli i Legjislacionit dhe Komisioni i Ligjeve nisin sot shqyrtimin e nismës kushtetuese të propozuar nga opozita për vettingun në politikë.

“Mbledhje e përbashkët e Komisionit për Çështjet Ligjore, Administratën Publike dhe të Drejtat e Njeriut si dhe e Këshillit për Legjislacionin, për të filluar me procedurën për shqyrtimin e  projektligjit “Për disa shtesa dhe ndryshime në ligjin nr. 8417, datë 21.10.1998 “Kushtetuta e Republikës së Shqipërisë”, të ndryshuar, nismë e propozuar nga 35 deputetë të grupeve parlamentare PD, LSI dhe PR”, thuhet në njoftimin e faqes zyrtare të Kuvendit.

Opozita e bashkuar beson se duhet zbatimi i vettingut për shkëputjen e politikanëve nga krimi. Kjo nismë sipas demokratëve synon të  dekriminalizojë plotësisht qeverisjen dhe politikën, të luftojë me tolerancë zero korrupsionin dhe krimin, si dhe të pastrojë politikanët e korruptuar.

 

Më Shumë