.png)
Ministri i Jashtëm i Serbisë, Ivica Daçiç reagoi pas kërkesës që Lista Serbe i drejtoi qeverisë serbe për të shpallur “terroriste” Policinë e Kosovës dhe agjencitë e tjera ligjzbatuese, duke thënë se diçka e tillë kërkon një reagim emergjent nga ana e Serbisë.
Kryediplomati serb komentoi dhe vendimin e qeverisë së Kosovës për të shpallur terroriste dy organizata në veri të vendit dhe u shpreh se kjo gjë bëhet vetëm për të shkaktuar frikë te serbët që banojnë në këto zona.
“Kjo hap gjuetinë për serbët, ata mund të shpallin terroristë të gjithë njerëzit tanë në veri të Kosovës”, tha Daçiç.
Kërkesa e Listës Serbe vjen disa ditë pasi Qeveria e Kosovës shpalli “Mbrojtjen Civile” dhe “Brigadën e Veriut” organizata terroriste.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
