Kërcënim për sigurinë kombëtare, SHBA në alarm: Rusët kanë armë bërthamore që godet në hapësirë

Gazeta Si- Kryetari i Komitetit të Inteligjencës të Dhomës së Përfaqësuesve të SHBA, Mike Turner, denoncoi një "kërcënim serioz për sigurinë kombëtare", pa dhënë detaje të mëtejshme.

Alarmi, raporton faqja “Politico”, duke cituar tre persona të njohur me këtë çështje, ka të bëjë me aftësitë hapësinore të Rusisë.

Në veçanti, sipas një zyrtari aktual dhe ish-zyrtar amerikan të cituar nga “Neë York Times”, shqetësimet e reja lidhen me përpjekjet e Moskës për të zhvilluar një armë bërthamore anti-satelitore në hapësirë, një skenar "Star Ëars".

Një nga burimet shpjegoi për “Politico” se kërcënimi ka të bëjë me raportet e inteligjencës në lidhje me përparimin e bërë nga Moska në përdorimin ushtarak të sistemeve të saj orbitale.

Sipas transmetuesit amerikan ABC, alarmi ka të bëjë me vullnetin e pretenduar të Rusisë për të lëshuar një armë bërthamore në hapësirë kundër satelitëve.

Disa zyrtarë anonimë i thanë “Neë York Times” se informacioni i ri i marrë nga SHBA është "serioz", duke specifikuar megjithatë se "aftësitë" në fjalë janë ende duke u zhvilluar dhe nuk janë vendosur ende.

Prandaj nuk do të ishte një kërcënim i menjëhershëm për sigurinë e Shteteve të Bashkuara, Ukrainës apo vendeve evropiane.

Një burim i dytë i tha gazetës se Rusia po zhvillonte një armë bërthamore kundër satelitit të bazuar në teknologjinë hapësinore.

Shqetësim ka edhe për raketën hipersonike “Zirkon”. Ai ka një rreze prej 400 deri në 1000 kilometra dhe mund të fluturojë me shpejtësi deri në 9800 km/h (8 Mach) duke shmangur sistemet e mbrojtjes dhe duke goditur objektivat detare dhe tokësore.

Deri më tani, vetëm Moska i ka në dispozicion këto transportues, të cilët janë ende në fazën eksperimentale në SHBA.

Duke hyrë në shërbim vitin e kaluar në bordin e fregatës ruse “Admiral Golovk”, raketa “Zirkon” u zhvillua në përgjigje të tërheqjes së SHBA-ve nga traktati ABM për raketat balistike dhe do të ishte përdorur për herë të parë më 7 shkurt në Ukrainë.

Në një deklaratë, Turner i bëri thirrje Shtëpisë së Bardhë të deklasifikojë informacionin e inteligjencës për të lejuar SHBA dhe aleatët e saj të diskutojnë përgjigjen ndaj këtij kërcënimi.

Këshilltari i Sigurisë Kombëtare, Jake Sullivan, do të takohet të enjten me të ashtuquajturën "Gang of Eight", grupi prej tetë liderësh të kongresit, si të shumicës ashtu edhe të opozitës, me akses në informacionin e fshehtë të inteligjencës.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.