Pas hedhjes së shortit për anëtarët e Këshillit të Lartë të Drejtësisë, ka reaguar presidenti Ilir Meta. Nëpërmjet një postimi në “Facebook”, kreu i shtetit e cilëson shortin si tepër transparent dhe thotë se tashmë mbetet veprimtaria plotësisht transparente e këtij institucioni për vitin e ardhshëm.
“Pas një shorti tepër TRANSPARENT, tani më e rëndësishme mbetet veprimtaria plotësisht TRANSPARENTE dhe në respekt të ligjit e Këshillit të Emërimeve në Drejtësi (KED) për vitin e ardhshëm”, shkruan Meta në Facebook.
Nga hedhja e goglave u zgjodhën anëtare të reja të KED nga kandidatët e Gjykatës Kushtetuese Fjona Papajorgji dhe Vitore Tusha.
Ndërkohë Marsida Xheferllari u zgjodh anëtare zëvendësuese në KED që përfaqëson Gjykatën Kushtetuese.
Ardian Dvorani është i zgjedhur automatikisht si kandidati i vetëm i Gjykatës së Lartë.
Arta Marku u zgjodh anëtare e KED nga Prokuroria e Përgjithshme, ndërsa Bilbil Mete anëtar zëvendësues po nga Prokuroria e Përgjithshme. Fatjona Memçaj nga Gjykata e Apelit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.