Një sasi prej 4 kilogramë kokainë është kapur ditën e sotme në pikën kufitare të Kakavijës në Gjirokastër. Kokaina është zbuluar në një makinë Mercedes Benz dhe drejtohej nga një 46-vjeçari Selim Lazaj, banues në Patos të Fierit.
Kokaina është gjetur në baterinë e automjetit, aty ku u gjetën dy pako të fshehura me drogë.
Menjëherë në vendngjarje kanë mbërritur grupi hetimor dhe Specialistët për Hetimin e Narkotikëve në DVP Gjirokastër.
Në përfundim të veprimeve të kryera nga Specialistët për Hetimin Narkotikëve u bë arrestimi në flagrancë i shtetasit të lartpërmendur për veprën penale “Trafikimi i narkotikëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
