.png)
Ndodh edhe kështu në garën e makinave të shpejta, Formula 1. Provat e lira në pistën e Baku në Azerbajxhan janë ndërprerë nga një kapak pusete në kohën kur ishte duke pilotuar Xhorxh Rusell i Uilliams.
Kjo e premte që do duhej të ishte dita e fundit e kolaudimit të makinave dhe pilotëve për çmimin e madh të Baku nuk shkoi siç duhet. Sapo kishte filluar sesioni i parë i provave të lira dhe Rusell po jepte kohën e tij, por në pjesën e pistës ku makinat marrin shpejtësinë maksimale, një kapak pusete që nuk ishte mbyllur plotësisht për pak sa një shkaktoi tragjedi. Makina Uilliams e Rosell u shkatërrua dhe provat u pezulluan, por ky incident ka ngritur pikëpyetje të mëdha për organizimin e Çmimit të madh në vendin Aziatik. Sipas inxhinierëve të skuderisë Uilliams makina që përdori këtë herë Rusell ka dalë jashtë përdorimit të paktën për këtë javë dhe do duhet një punë për t’i bërë rindërtim kapital nga e para.
Reagimet për këtë incident kanë qenë të shumta. Shumë prej pilotëve kanë shkruar në rrjetet sociale me kritika, por edhe me ironi për këtë ngjarje. I pari që reagoi ishte kampioni i botës, Ljuis Hamilton, i cili ka shkruar me habi, por edhe me ironi njëkohësisht në rrjetet sociale. “Si ka mundësi që nuk e kanë kontrolluar atë gjë më përpara. Po mirë, nejse, kjo do të thotë se do të kem më shumë kohë për të parë “Game of Thrones”.”- ka shkruar Hamilton.
Formula 1 ka zbritur në Baku të Azerbajxhanit që prej katër vitesh. Gara zhvillohet në një pjesë të saj edhe në rrugë qyteti dhe për këtë arsye ka shumë puseta. Llogaritet që të jenë mbi 30 puseta përgjatë pistës së Baku në Azerbajxhan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
