Kalendari i Kampionatit Botëror të Formula 1, një garë me pengesa

Një fillim gjithnjë e më i vështirë i sezonit për Kampionatin Botëror të Formula 1. I anuluar në “minutën e fundit” në vitin 2020, GP i Australisë rrezikon një shtyrje tjetër për tetë muaj dhe i pasigurtë është gjithashtu edhe fati i Kinës, për momentin raundi i tretë i një kampionati që aktualisht duket se ka në Emiratet e Bashkuara Arabe portin e vetëm “të sigurt”.

Një nisje… në errësirë për Formula 1 2021? Sezoni i kaluar përfundoi me takimin e dyfishtë në Sakhir dhe atë në Abu Dhabi (të tre natën), sezoni i ri duhet të fillojë nga Bahreini. Kufizimet e rrepta anti-Covid në fuqi në Australi ndikojnë në mundësinë e garimit në Albert Park në Melburn, në ditën e parë të pranverës. “Data” e re e garës australiane mund të jetë 21 nëntori: një shtyrje me tetë muaj dhe një lloj kthimi “i papritur” në të lashtën, kur GP i Australisë zhvillohej në cirkuitin qytetas të Adelaides për një dekadë të tërë (nga 1985 në 1995), që u mbyll me kalimin e garës nga gara e fundit në të parën e Kampionatit Botëror dhe transferimin e saj në Melburn.

Për ti bërë vend fazës “Down Under”, do të shtyheshin me nga një javë GP i Arabisë Saudite në Jeddah (hyrja e re në kalendar) dhe ai i Abu Dhabi, që do të zhvilloheshin përkatësisht të dielën e 5 dhe të dielën e 12 dhjetorit. Vetëm se kështu, Formula 1 duhet të lëvizë për pak ditë nga São Paulo në kryeqytetin e Shtetit të Victorias … Jo saktësisht një "Sunday Drive", siç e përkufizojnë anglo-saksonët në mënyrë shumë efektive. Sepse, në kalendarin me njëzet e tre gara të miratuar një muaj më parë nga Komisioni Botëror i FIA-s, javët mes mesit të tetorit dhe mesit të nëntorit janë të “dedikuara” për kontinentin amerikan, me GP e SHBA-së, Meksikës dhe, natyrisht, Brazilit.

Me pak fjalë, që tani është perspektiva e një kalendari të tronditur dhe spektri i një përsëritje të atij të kaluar (për më tepër me sukses) në vitin 2020. Ashtu si Australia – dhe gjithmonë për shkak të kufizimeve anti-Covid me karantinën dy-javore në hyrje në vend – Kina është gjithashtu në rrezik: GP në Shangai është caktuar për të dielën e 11 prillit. Data e ardhshme – e diela 25 prill – është caktuar por nuk ka ende një cirkuit (GP i Vietnamit tani duket të jetë një projekt i lënë mënjanë). Rriten cdo ditë e më shumë shanset që Imola dhe Portimao të kthehen në lojë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.