.png)
Gazeta Si – Të qëndrojë në Madrid, apo të provojë një aventurë në stolin e Brazilit? Ky është rebusi i Karlo Ançelotit dhe që duhet zgjidhur para se të mbyllet sezoni. Trajneri italian e ka shprehur shpesh dëshirën për të qëndruar në Spanjë, por zërat që e çojnë në krye të Brazilit janë shtuar shumë.
Sipas ‘The Athletic’, dy ish-lojtarët e Brazilit, Kakà dhe Ronaldo ‘Fenomeni’, janë ngarkuar me misionin për ta bindur Ançelotin të marrë drejtimin e Seleçaos.
Të dy këta personalitete të futbollit brazilian, që italiani i njeh shumë mirë, po bisedojnë me Ançelotin për llogari të Federatës Braziliane të Futbollit. Vështirë të thuhet si do të mbyllet kjo çështje, që me shumë mundësi do të vendoset pasi të jetë mësuar fati i Realit këtë sezon, mes kampionatit dhe Championsit.
Veçanërisht duket se do të jetë kupa me veshë të mëdhenj ajo që do të përcaktojë të ardhmen e Karlo Ançelotit. Nëse triumfon për herë të dytë radhazi në Champions, Ançeloti me shumë mundësi do ta zgjatë kontratën me madrilenët, që i skadon në 2024-ën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
