Gazeta Si – Juventusi nuk gabon në ‘Arechi’ dhe rikthehet te fitorja. Në ndeshjen e fundit të javës së 21-të të Serisë A, skuadra e Alegrit mundi 0-3 Salernitanën dhe u ngjit në kuotën e 26 pikëve, aq sa kanë edhe Monca dhe Empoli.
Në Salerno ishte sulmuesi Dushan Vlahoviç protagonist kryesor i ndeshjes. Në pjesën e parë ai realizoi me penallti fillimisht dhe më pas dha një asist për serbin tjetër, Filip Kostiç. Në pjesën e dytë Vlahoviç shënoi edhe golin e tretë dhe të dytin personal, duke mbyllur llogaritë e ndeshjes.
Përveç Vlahoviç, një ndeshje të mirë bëri edhe argjentinasi Di Maria. Juventusi mban vendin e 10-të aktualisht dhe ndodhet ende shumë larg zonës europiane, por e rëndësishme është që bardhezinjtë janë çliruar disi pas tri ndeshjesh pa fitore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.