.png)
Gazeta Si – Pa Champions largohet edhe Rabiot. Juventusi do të riniset me një skuadër mikse mes të rinjsh dhe disa senatorësh. Mes këtyre të fundit është edhe Pol Pogba, i cili ka një kontratë të majme.
Makthi nuk ka përfunduar për Juventusin, situata mund të përkeqësohet. Pas dënimit me 10 pikë minus në renditje, është edhe çështja me manovrat e pagave, ndërkohë që pritet edhe një dënim tjetër nga UEFA. Skuadra torineze, me shumë mundësi do të mungojë në Championsin e sezonit të ri dhe kjo do të thotë më pak të ardhura, minimumi 50 milionë euro.
Në një situatë të tillë, skuadra duhet të rindërtohet, duke iu nënshtruar një revolucioni. Pjesa më e vështirë është që të sistemohen lojtarët e shumtë që rikthehen nga huazimet, si Artur, Kulusevski, MekKeni dhe Zakaria.
Juventusi 2023-24 pritet të jetë një miks të rinjsh dhe disa senatorësh, si Perin, Danilo, Bonuçi, Gati, Bremer, De Siljo, Faxholi, Lokateli, Mireti dhe Kostiç. Në listën e atyre që do të largohen janë shumë emra, duke nisur me Paredes, i huazuar nga PSG.
Pa Europë do të jetë e vështirë të mbahet Rabiot, në fund kontrate. Pa Champions do të sakrifikohen lojtarë me peshë në skuadër dhe emrat më të përfolur janë Kieza dhe Vlahoviç. Asnjëri nga të dy nuk është i paprekshëm për Alegrin. Serbi pëlqehet në Premier Ligë dhe nga Bajerni.
Më komplekse është situata me Kiezën, pasi lojtari ka pasur dëmtime të shpeshta. Njëri mes këtyre dy lojtarëve është i tepërt te Juentusi. Ka ndryshuar era sa i takon Di Marias dhe rinovimi është shumë larg. ‘Fideo’ do të largohet me një Juventus pa Champions.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
