.png)
Johnny Depp fitoi të mërkurën(1 qershor) gjyqin për shpifje kundër Amber Heard, pasi një juri në Virxhinia vërtetoi pretendimin se ish-gruaja e tij cenoi reputacionin e tij dhe dëmtoi karrierën e tij kur ajo shkroi se u bë një “figurë publike që përfaqëson abuzimin në familje”.
Paneli prej shtatë anëtarësh në Fairfax vendosi t’i japë yllit të “Pirates of the Caribbean” një dëmshpërblim total prej 15 milionë dollarësh ndërsa Amber 2 milionë dollarë pas diskutimit për rreth 13 orë.
“Për shkak të angazhimeve të planifikuara më parë të punës të bëra përpara gjyqit, Depp nuk ishte fizikisht i pranishëm për vendimin e sotëm në orën 21:00 dhe do të shikojë vendimin në Mbretërinë e Bashkuar”, sipas burimeve.
Depp, 58 vjeç, kishte paditur ish-bashkëshorten e tij 36-vjeçare për 50 milionë dollarë për një shkrim të Washington Post që ajo shkroi në vitin 2018 duke e përshkruar veten si “një figurë publike që përfaqëson abuzimin në familje”.
Heard u përgjigj me një kundërpadi prej 100 milionë dollarësh, duke argumentuar se karriera e saj u shkatërrua pasi avokati i Depp, Adam Waldman tha publikisht se ajo kishte sajuar akuzat e saj për abuzim në familje.
Pas një gjyqi gjashtë-javor që ishte i mbushur me dëshmi për abuzimin e supozuar që Heard thotë se ajo u keqtrajtua nga ish-bashkëshorti i saj, juristët u ngarkuan të përcaktojnë nëse në artikullin e saj ajo po shpifte për Depp.
Sipas formularit të vendimit të dhënë për juristët, juria duhet të shqyrtonte nëse titulli dhe pasazhet kishin të bënin me Depp-in, nëse janë të rremë, nëse secili prej tyre ka një “implikim shpifës” dhe nëse Heard kishte për qëllim që të njolloste ish-bashkëshortin e saj.
Burimi:BBC
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
