Familja Rugani po përjeton një moment vërtet të vështirë. Lojtari i Juventusit, Daniele Rugani, ishte i pari në Serinë A që doli pozitiv me Koronavirus. Pas tij, edhe e fejuara e mbrojtësit, Mikela Persiko, gazetare dhe prezantuese, rezultoi po ashtu pozitive. Duke folur për “Chi”, ajo ka zbuluar një detaj të rëndësishëm: pret një fëmijë dhe kjo situatë i ka sjellë jo pak frikë.
"Nuk po arrij akoma të flas. Për momentin duhet të kuptoj mirë se çfarë do të ndodhë, - ka thënë Mikela, aktualisht në muajin e katërt të shtatzanisë. – Shpresoj shumë që virusi të mos ndikojë te fëmija. Mjekët më kanë garantuar se nuk do të kem probleme për këtë pjesë. Vëreni pak veten në vendin tim: kam shumë frikë.”
Mikela dhe Daniele Rugani po e bëjnë karantinën të ndarë. "Po përgatiteshim për të dhënë lajmin i mirë se presim një fëmijë, - vazhdon Persiko. — Duhej të ishte një moment gëzimi të jashtëzakonshëm, por jeta na tradhtoi kështu. Megjithatë, jam e bindur se do të ringrihemi”, - ka theksuar në fund e fejuara e mbrojtësit juventin. Përveç tij, në klubin e madh italian ka dalë pozitiv edhe mesfushori francez, Matuidi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.