Transmetuesi publik japonez, NHK ka njoftuar se do të transmetojë në rezolucionin8K disa disiplina të zgjedhura nga Lojërat Olimpike dhe Paraolimpike, përfshirë ceremonitë e hapjes dhe mbylljes. Teknologjia me definicion ultra të lartë (UHD) do të përdoret gjatë mbulimit të shtatë disiplinave olimpike, përfshirë atletikën, notin, xhudon, futbollin, pingpongun, badmintonin dhe volejbollin.
Ndërsa për atë Paraolimpike, NHK pritet të përdor kamera me rezolucion 8K për të kapur imazhe për transmetimet e katër disiplinave, të cilat do të jenë atletikë, not, badminton dhe rugby me karrocë. Për më tepër, transmetimet e NHK për ceremonitë e hapjes dhe mbylljes për Lojërat Olimpike dhe Paraolimpike do të mbështeten nga helikopterë të pajisur me kamera 8K për të siguruar pamjet live nga lart të Stadiumit Kombëtar në Tokio.
Në një deklaratë për shtyp, NHK bën të ditur se po përgatit standardet më të larta të transmetimit dhe shërbimit për shikuesit. Olimpiada e kësaj vere është planifikuar të zhvillohet midis 24 korrikut dhe 9 gushtit, e ndjekur nga Paraolimpiada, e cila do të zhvillohet midis 25 gushtit dhe 6 shtatorit. Përkundër organizatorëve dhe transmetuesve që po përgatiten, Olimpiada mund të spostohet në fund të vitit për shkak të koronavirusit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.