Ne rrjet

Izraeli i pari në botë që hyn sërish në karantinë

Izraeli është kthyer në vendin e parë në botë që ka rikthyer karantinë kombëtare për shkak të rritjes së rasteve së koronavirusit. Bllokimi, i cili pritet të fillojë të premten pasdite, parashikon që vendi të kthehet në të njëjtat kufizime të rënda të bllokimit të parë në prill.

Shkollat, restorantet (përveç shpërndarjes) dhe baret do të mbyllen, si dhe bizneset e tjera, për një periudhë fillestare prej tre javësh. Sektori publik do të funksionojë me një fuqi punëtore të kufizuar, ndërsa bizneset e sektorit privat mund të veprojnë për sa kohë që klientët nuk hyjnë në hapësirën e punës.

Nga njerëzit do të kërkohet të mos largohen më shumë se 500 metra nga shtëpia e tyre. Shërbimet e urgjencës, si dhe farmacitë dhe dyqanet e ushqimit do të qëndrojnë të hapura. Mbledhjet në natyrë do të kufizohen në 20 persona, ndërsa tubimet në ambiente të mbyllura do të jenë të kufizuara në dhjetë.

Autoritetet thonë se kufizimet do të lehtësohen vetëm pasi Izraeli të regjistrojë një rënie të ndjeshme të normave të rasteve të reja. Karantina e dytë u njoftua të dielën në mbrëmje. Në një takim me kabinetin më parë gjatë ditës, Netanyahu tha se rastet e koronavirusit ishin ngritur, duke dobësuar aftësinë e sistemit shëndetësor për të krizën.

Netanyahu njoftoi bllokimin pasi rastet e koronavirusit u rritën javën e kaluar, duke arritur një rekord prej 4,217 rastesh të reja në 24 orë të enjten, ditën e tretë me radhë me më shumë se 4,000 raste të reja të regjistruara. Numri i pacientëve në gjendje të rëndë gjithashtu është rritur në mënyrë të vazhdueshme, me 513 rasteve të rënda dhe 138 pacientë në ventilatorë.

Situata duket se nuk u ka lënë zgjidhje tjetër udhëheqësit izraelitë sesa të rimarrin kontrollin duke kthyer karantinën. Në prill, Netanyahu u mburr se Izraeli i kishte treguar botës se si të përmbajë koronavirusin.

Ministri izraelit i Shëndetësisë Yuli Edelstein paralajmëroi të dielën se ka shpëtim nga karantina. “Kjo është një ditë shumë e vështirë për vendin. Por është një propozim pa asnjë alternativë tjetër”, tha ai.

Pavarësisht se karantina kombëtare u miratua nga kabineti javën e kaluar, ky vendim ndezi një debat brenda qeverisë, me disa ministra që kundërshtuan një bllokim të plotë.

Ministri i Strehimit Yaakov Litzman, i cili drejton një nga partitë ultra-Ortodokse dhe shërbeu si Ministër i Shëndetësisë gjatë valës së parë të infeksionit dha dorëheqjen nga pozicioni i tij në shenjë protestë ndaj vendit.

Ndërkohë, Netanyahu duket se po përpiqet të zhvendosë vëmendjen nga dështimi i Izraelit për të vendosur nën kontroll koronavirusin, me arritjet e tij të fundit diplomatike. Menjëherë pasi njoftoi vendosjen e karantinës në një konferencë shtypi të dielën në mbrëmje, Netanyahu njoftoi se do të fluturonte për në Uashington, për një ceremoni në Shtëpinë e Bardhë për të festuar marrëveshjen e normalizimit të marrëdhënieve Emiratet e Bashkuara Arabe dhe Bahrein.


Copyright © Gazeta “Si”



Më Shumë