.png)
Gazeta Si – Ish-drejtori sportiv i Milanit ka dy opsione në tavolinë për momentin: të jetë kreu i delegacionit në kombëtaren italiane, ose një rol të rëndësishëm drejtues te skuadra parisiene.
Gabriele Gravina, presidenti i Federatës Italiane të Futbollit, dëshiron që Paolo Maldini të jetë kreu i delegacionit të Italisë. Në anën tjetër, PSG e ka në plane ish-lojtarin legjendar si drejtues të një cikli të ri. Kjo është dilemma e ish-kapitenit të Milanit, drejtor sportiv deri pak kohë më parë te kuqezinjtë.
Maldini është në dyshim për të zgjedhur mes fanellës ‘axurre’ dhe Kullës Eifel. Ai është mes 4 kandidatëve për rolin e drejtuesit tek Italia, bashkë me Bufon, Orialin dhe Kielinin. Por në rast largimi të Kampos nga PSG, emri i Paolo Maldinit është lakuar si pasuesi më i mundshëm.
Klubi francez mund t’i afrojë atë që ish-lojtari i shquar i Milanit dhe Italisë kërkon prej kohësh: një pozicion plotësisht operativ, që përfshin merkaton, zgjedhjen e lojtarëve dhe supervizionin teknik. Natyrisht, ofron më shumë edhe ekonomikisht. Pengesa e vetme e momentit te PSG është Luis Kampos, drejtori aktual sportiv që duhet të largohet.
Për te Italia pozicioni është tjetër: Maldini duhet të jetë figura që lidh federatën me skuadrën. Gravina po merret me riorganizimin e strukturës në ekip, ku pika e vetme fikse është trajneri Roberto Mançini. Maldini do të ishte një figurë karizmatike në mbështetje të Italisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
