.png)
Rastet e koronavirusit në Itali janë rritur sërish, kryesisht për shkak të variantit britanik, pasi pjesa më e madhe e italianëve në disa qytete po injorojnë thirrjet e qeverisë për të qëndruar në shtëpi duke dalë për të shijuar motin e ngrohtë.
Disa ekspertë kanë thënë se një bllokim total është urgjent dhe i nevojshëm, ndërsa paneli që këshillon qeverinë gjithashtu ka rekomanduar marrjen e masave më të rrepta.
"Unë jam i shqetësuar," thotë Massimo Galli, epidemiolog në spitalin Sacco de Milan, në një intervistë për “Il Messaggero”. “Rritja e rasteve të reja vjen kryesisht për shkak të variantit anglez. Të gjitha të dhënat po shkojnë në drejtim të një rritje të rasteve të reja," shtoi ai.
Megjithëse Instituti i Lartë i Shëndetit (ISS) i Italisë u bëri thirrje njerëzve të premten të qëndrojnë në shtëpi pavarësisht parashikimit të motit më të butë, turmat e njerëzve kanë mbushur këtë javë rrugët, parqet dhe bregdetin në disa qytete.
Të dielën, zyrtarët riklasifikuan tre rajone në zona portokalli me rrezik të moderuar në statusin "portokalli" me rrezik më të lartë, duke nënkuptuar kufizime drastike në udhëtime dhe mbylljen e bareve dhe restoranteve. Disa rajone madje kanë caktuar disa pjesë të territoreve të tyre zona "të kuqe", në një përpjekje për të izoluar zonat më të prekura.
Një studim i ri nga Këshilli Kombëtar Kërkimor i Italisë (CNR) thekson se variantet e reja janë burimi i rritjes së reja, pasi 50 për qind e rasteve i përkasin variantit anglez. Rosalio Corrado Spinella, drejtor i Departamentit të Shkencave Fizike të CNR thotë se "rajonet që kanë parë rritjen më të shpejtë të rasteve janë Abruzzo, Marche, Toskana dhe Umbria. Ne provincat e Trento dhe Bolzano, rastet janë dyfishuar brenda javës dhe 60 për qind të totalit të rasteve pozitiveve i përkasin variantit anglez.
"Kjo tendencë po rritet," paralajmëroi ai. "Emilia-Romagna dhe Lombardia kanë filluar të tregojnë një rritje të rasteve të shtruara në spital për shkak të pranisë së varianteve më të transmetueshme. Nëse masat e mëtejshme të kontrollit nuk njoftohen së shpejti në rajone ku varianti anglez përbën të paktën 50 për qind të rasteve, ai do të zëvendësojë plotësisht variantin e vjetër brenda një muaji e gjysmë."
Ministri italian i shëndetësisë deklaroi të mërkurën se vendi nuk do të lehtësonte asnjë masë, pasi nivelet e infeksioneve mbeten shumë të larta në të gjithë vendin. “Kufizimet duhet të qëndrojnë në vend ndërsa të kryhen studime për të përcaktuar rreziqet që paraqiten nga variante të reja”, tha ai. Madje shqetësimet në rritje në lidhje me përhapjen e llojeve të reja të virusit kanë nxitur një debat kombëtar në lidhje me nevojën për masa më të ashpra.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
