.png)
Ish-lojtari i Partizanit, Realdo Fili ka nisur një aventurë të re në karrierë, duke firmosur me skuadrën rumune të Botosani. Sulmuesi i cili ishte në provë prej ditësh, ka bindur stafin teknik dhe është bërë zyrtarisht pjesë e ekipit.
Lajmi është bërë i ditur zyrtarisht nga menaxheri i njohur Sokol Haxhia (FREESPORT MANAGEMENT). Fili gjatë karrierës është aktivizuar edhe me ekipe si Apolonia, Partizani, Kamza, Skënderbeu dhe së fundmi me Luftëtarin, nga i cili u largua këtë merkato janari.
Detajet e marrëveshjes nuk janë bërë të ditura as nga klubi dhe as nga lojtari. Pas Armando Vajushit që kaloi te skuadra e Petrolul Ploesti, sulmuesi bëhet kështu lojtari i dytë pas që shkon në kampionatin rumun.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
