Gazeta Si - Gjyqtares Irena Gjoka i ka përfunduar mandati si zv.kryetare e Gjykatës së Posaçme të Shkallës së Parë për Korrupsionin dhe Krimin e Organizuar. Në vendin e saj është zgjedhur gjyqtari Erjon Bani, i cili ka marrë 6 vota.
Nga 9 gjyqtarë që marrin pjesë në votim, Erjon Bani u zgjodh me 6 vota, ndërkohë që 3 votat e tjera shkuan për kandidatin tjetër në garë Erjon Çela.
Me anë të një njoftimi GJKKO thote se Erjon Bani do të ushtrojë kompetencat e Kryetarit të Gjykatës së Posaçme të Shkallës së Parë për Korrupsionin dhe Krimin e Organizuar, deri në zgjedhjen e kryetarit të kësaj gjykate nga Këshilli i Lartë Gjyqësor.
Në mbledhjen e përgjithshme të gjyqtarëve të GJKKO-së, ishte edhe zëvendëskryetari i Këshillit të Lartë Gjyqësor, Ilir Rusi.
Bani do të ushtrojë kompetencat e kryetarit të GJKKO, deri në zgjedhjen e kryetarit të kësaj gjykate nga Këshilli i Lartë Gjyqësor.
Mandati i zëvendëskryetarit të GJKKO është tre vjeçar pa të drejtë rizgjedhjeje të menjëhershme. Gjoka ishte zgjedhur në këtë detyrë më 24.03.2021.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.