.png)
Gazeta Si – Interi ka firmosur kontratën me sponsorin e ri, që i garanton klubit zikaltër 10 milionë euro. Platforma amerikane Paramount+ do të shfaqet në fanellat e Interit për ndeshjet me Torinon dhe në finalen e Championsit me Mançester Sitin.
Në sezonin 2023-24, Paramount+ do të qëndrojë si partner i klubit, por jo si ‘main sponsor’, do të zërë hapësirë të konsiderueshme në fanellë. Nga marrëveshja e re zikaltrit do të përfitojnë 10 milionë euro, duke mbushur kështu "vrimën" e krijuar nga DigitalBits, që prej disa javësh është hequr nga fanella e skuadrës së parë.
Në anën tjetër, ka zëra për pronarë të rinj tek Interi dhe Suning mund të vlerësojë ofertat për shitjen e klubit. Sipas Reuters, miliardari finlandez Thomas Zilliacus, ish-drejtues i Nokias, që muajt e fundit kishte tentuar të blinte Mançester Junajtid, tani kërkon Interin. Manjati ia ka vënë syrin Interit dhe ka gati ofetën.
Për momentin ai e ka dribluar këtë çështje, duke thënë: "Nuk e shqetësojmë Zhang dhe Interin, kanë përpara Championsin". Nga burime pranë Zilliacus është mësuar se ai ka bërë më shumë se një sondazh për blerjen e klubit italian. Tani topi i kalon Suning dhe ‘Goldman Sachs e Raine’, që ndjekin klubin për shërbimet e konsulencës.
Zilliacus në Tuiter ka shkruar: "Shumë persona më pyesin për blerjen e Interit. Steven Zhang është pronar dhe ka bërë një punë të madhe, gëzon respektin tim. Nuk duam të shpërqendrojmë para finales së Championsit".
People are asking me whether I want to buy Inter Milan. Steven Zhang is the owner and has done an amazing job. He has my deepest respect. Let's all agree not to disturb his and the teams concentration on the Champions League final. #InterMilan #ChampionsLeagueFinal
— Thomas Zilliacus (@TZilliacus) June 2, 2023
Finlandezi Thomas Zilliacus e ka të lidhur prej vitesh emrin e tij me kolosin e telefonisë Nokia. Ai e ka bërë këtë markë nga më të njohurat në botë, me të ardhura rekord. Finlandezi është themelues i kompanive të sektorit imobiliar, sportit dhe medias, që në total e kalojnë vlerën e 3 miliardë dollarëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
