.png)
Gazeta Si – Në Portugali skuadra e Inzagit ka mbrojtur me çdo mënyrë fitoren 1-0 të ndeshjes së parë. Barazimi 0-0 vlen kualifikimin në çerekfinale të Championsit ndaj luzitanëve të drejtuar nga Serxhio Konseisao. Një sukses që vjen pas 12 vitesh.
Interi ia doli të kualifikohet me ‘shpirt nëpër dhëmbë’, falë barazimit pa gola në fushën e Portos dhe fitores së dy javëve më parë. Në ‘Do Dragao’ skuadra zikaltër ishte kompakte në mbrojtje, por pati edhe fat në minutat e fundit.
Pjesa e parë u dominua nga portugezët, të cilët u përpoqën më shumë dhe e vunë në provë Onanën. Interi rrezikoi vetëm në një rast me Xhekon. Në fundin e kësaj pjese ishte Dimarko që shmangu një rast të rrezikshëm në zonën e zikaltërve.
Interi u rrezikua të ndëshkohej vetëm në shtesë, ku Dumfris dhe Onana shpëtuan portën mrekullisht. Edhe fati ishte me zikaltrit, pasi Taremi goditi shtyllën dhe më pas Grujiç traversën. Pothuasje asgjë në sulm për skuadrën italiane, që gjithsesi ia arriti qëllimit për të qenë mes 8 më të mirave të Europës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
