.png)
Gazeta Si – Për Interin është një moment shumë delikat i sezonit, pasi ka humbur tërren në renditje, ndërkohë që përpara është Kupa e Italisë dhe Championsi. Në Torino luhet sot akti i parë gjysmëfinal i Kupës së Italisë ndaj Juventusit.
Duket se ka ardhur momenti që mesfushori i Kombëtares, Kristjan Asllani, të jetë titullar. Sipas shtypit italian, trajneri Simone Inzagi ka vendosur t’ia besojë atij regjinë sot ndaj Juventusit. Një detyrë e vështirë për futbollistin kuqezi, në një transfertë shumë të fortë.
Asllani do të vendoset para mbrojtjes dhe në krah do të ketë Barelën dhe Mikhtarian. Kjo zgjedhje është e detyruar nga dëmtimi i Çalhanoglu, por edhe nga fakti që Interi duhet të përballojë ndeshje shumë të forta në pak ditë dhe duhet patjetër rotacion.
Mesfushori kuqezi ka kështu një shans të mirë për të treguar vlerat e tij dhe për të vërtetuar se Inzagi ka gabuar deri tani, duke e mbajtur vetëm në stol.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
