Gazeta Si – Vazhdon me të papritura njëra pas tjetrës merkatoja e kësaj vere për Interin. Pas çështjes ‘Lukaku’, që ka irrituar jo pak popullin interist, vjen edhe ‘përgjigja’ e klubit zikaltër me një ‘stërkëmbësh’ ndaj Juventusit.
Marota dhe Auzilio kanë mbyllur në mënyrë surprizë marrëveshjen me kolumbianin Huan Kuadrado. Lojtari në fjalë, pas 8 sezonesh me Juventusin, është larguar pak ditë më parë me parametra zero dhe tashmë do të zbarkojë në Milano.
Kolumbiani do të firmosë një kontratë njëvjeçare me Interin, nga e cila do të përfitojë 2.5 milionë euro. Për ditët e ardhshme janë parashikuar vizitat mjekësore dhe firma e prezantimi. Trajneri Simone Inzagi do të ketë një alternativë më shumë për sezonin e ri, një lojtar më shumë eksperiencë që mund ta ndihmojë në kampionat dhe Champions.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.